Luiza Rozova, 19 vjeç, është vajza e ish së dashurës së presidentit rus Vladimir Putinit, shkruan media britanike Dailymail.
E ëma e saj Svetlana Krivonogikh, pas lidhjes me Putinin, nga një pastruese u kthye në multimilionere, duke zotëruar dhe aksione në një bankë ruse. Por së fundmi po sipas medias britanike, Luiza dhe e ëma e saj po kërkojnë të japin me qira një apartament elitar në Shën Petersburg për 7,700 paund në muaj.
Foto nga agjencia imboliare Engel & Volkers, tregojnë ekstravagancën e jashtëzakonshme të ambienteve të brendshme të veshura me ar. Fqinjët në bllokun elitar janë disa nga miqtë më të vjetër të Putinit, shumica e të cilëve tani janë të sanksionuar nga Perëndimi. Por Luiza, ndryshe nga dy vajzat më të mëdha të Putinit, nuk është sanksionuar.
Ekspozimi i kësaj vile vjen pas zbulimit të kohëve të fundit se Luiza dhe nëna e saj tani jetojnë në një apartament tjetër me vlerë prej 1.7 milion funte para se sanksionet perëndimorë të shkaktonin rënien dramatike në ekonominë ruse.
Ky apartament i ofruar me qira në ishullin Kamenny u bë pronë e Krivonogikh një vit pas lindjes së Luizës dhe besohet se është vendi ku u rrit ‘fëmija i dashur’ i Putinit. Ai quhet ‘një nga komplekset më private në Shën Petersburg’, sipas një investigimi të BBC Rusisë, dhe është ndërtuar nga një kompani e lidhur me Bankën Rossiya, që shihet si institucioni financiar i rrethit të ngushtë të presidentit.
Kati i dytë ka një dhomë gjumi me një krevat të veshur me ar dhe një dhomë për fëmijë me një tavan të lyer në mënyrë të ndërlikuar dhe një zonë lojrash.
Në katin e tretë të apartamentit ndodhet një lokal me kinema në shtëpi dhe nje shezllon me dizenjo italiane të mbuluar me letër floriri.
