Samiti i fundit i Komunitetit Politik Evropian, i mbajtur në Jerevan të Armenisë, duket se nuk është pritur mirë nga udhëheqësi i Kremlinit, i cili i kërkoi vendit të Azisë, të vendosur midis Gjeorgjisë, Azerbajxhanit dhe Turqisë, të mbante një referendum.
Arsyeja? Për të zgjedhur anë: Rusinë apo Evropën.
I pyetur në një konferencë për shtyp në lidhje me aspiratat e Jerevanit për në BE, Putin tha se do të ishte “mjaft logjike të mbahej një referendum dhe t’u kërkohej qytetarëve armenë se cila do të ishte zgjedhja e tyre. Bazuar në këtë, ne do të bënim edhe zgjedhjen tonë”.
Putin shtoi se rezultati i një referendumi të tillë do t’i lejonte Moskës të nxirrte “përfundime të përshtatshme” dhe të vazhdonte me atë që ai e përshkroi si një “ndarje të butë, inteligjente dhe reciprokisht të dobishme”.
“Tani po përjetojmë gjithçka që po ndodh në frontin ukrainas. Por ku filloi e gjitha? Me pranimin e Ukrainës apo përpjekjet e saj për t’u bashkuar me Bashkimin Evropian.“, tha Putin.
