Policia e Tiranës ka dhënë detaje në lidhje me një ngjarje që ka ndodhur sot në Kombinat.
Fillimisht u tha se ka pasur sherr masiv, ndërsa policia ka sqaruar edhe se çfarë ka ndodhur.
Uniformat blu shprehen se dy të rinj janë rrahur me grushte e se janë shoqëruar në komisariat, për të zbardhur ngjarjen.
Njoftimi i policisë:
Tiranë/Informacion paraprak
Më datë 28.03.2022, në Kombinat, në Rrugën e Qelqit, janë konfliktuar dhe kanë goditur me grushte njëri-tjetrin, shtetasit D. V., 25 vjeç dhe K. B., 24 vjeç, të cilët janë shoqëruar në Komisariat.
Grupi hetimor po punon për sqarimin e rrrthanave të konfliktit.
