Nga Boldnews.al
Aq rëndë është situata në kampin kadastral të Rilindjes sa kur flitet për “zyrtarë dhe ish-zyrtarë” të lartë, të mesëm dhe specialist të thjesht të arrestuar për korrupsion, në mes është Kadastra Shqiptare. Disa janë prangosur, por korrupsioni në vend që të ulet qoftë edhe nga frika, ka shtuar shifrën e mitmarrjes. Nga Jugu në Veri, por veçanërisht në zonat bregdetare dhe Tiranë po bëhet batërdia me tjetërsimin e pronave dhe mitmarrjen e nëpunësve të lartë të Kadastrës.
Vetëm për tre muajt e fundit të këtij viti janë 25 persona të proceduar dhe arrestuar për tjetërsim pronash dhe korrupsion, që të gjithë punonjës dhe ish-punonjës të ASHK-së (Agjencisë Shtetërore të Kadastrës). Po ashtu në Njësinë Antikorrupsion pranë Ministrisë së Drejtësisë e ngritur si dublim i institucioneve të hetimet, denoncimet më të shumta, në mbi 80% të tyre vijnë pikërisht nga hipotekat.
Legalizojnë një qendër shëndetësore duke ia dhënë privatit, tokën në bregun e detit ja heqin Mazllëmit dhe ja japin Jorgaqit, shtëpinë ia heqin të zotit dhe ia japin më të “zotit që paguan nëndorë. Vetë drejtuesit e Kadastrës vjedhin dokumentat për të mbuluar gjurmët në institucionin që drejtojnë dhe më pas i denocojnë si “grabitje gjatë natës”.
Gjithhçka ndodh në hipotekë, aty ku edhe koburet vendosen në kokat e përlyera të drejtorëve, pasi kanë pranuar alleshverishe në dëm të njërës apo tjetrës palë. Tre zonat që janë për tu hetuar në “Gjykatën e Hagës”, si “krime të luftës së pronës” janë Vlora, Durrësi dhe Saranda. Bregdeti është zaptuar kudo, ku pronat që më parë rezultonin shtet janë tjetërsuar duke i marrë në letra individë të ndryshëm që janë banorë të zonës, por pas tyre pronarët e vërtetë janë biznesmenë, njerëz nga bota e krimit dhe politikanë.
Vetëm në Kadatsrën e Vlorës për një vit u ndërruan nëntë drejtorë, ku më i suksesshmmi që “mbijetoi” gjashtë muaj në detyrë u arrestua në Tiranë dhe si para xhepi i kapën një shumë “qesharake”, vetëm 65 mijë euro.
Edhe vetë kupola e Rilindjes ka xhelozi për aferat e frikshme që ndodhin në këto institucione. Ministri i Drejtësisë Ulsi Manja shprehet se korrupsioni më i madh dhe abuzimet janë në zyrat kadatsrale. Mbi 80 % e rasteve të denoncuara nga Njësia Antikorrupsion që shërben si “dublim” i prokurorive janë nga nëpunës të Kadastrave. Në një nga deklaratat Manja u shpreh se Kadastra e Durrësit duhej mbyllur, pikërisht për shkak të abuzimeve të mëdha.
Në burgjet tona ka mbipopullim, por nëse do të zbatohej ligji me përpikmëri dhe të viheshin para drejtësisë nëpunësit apo ish-nëpunësit e Kadastrës Shqiptare me siguri do të kërkohej një burg i ri, madje me mijëra shtretër…
