Një aksident me pasojë vdekjen, ka ndodhur paraditen e sotme në kryeqytet.
Viktimë ka mbetur një 46-vjeçar që ka rënë nga lartësia në vendin e punës, ndërkohë që policia thotë se ka nisur hetimet për ngjarjen e rëndë.
Njoftimi i policisë:
Më datë 19.03.2022, rreth orës 10:00, në rrugën “28 Nëntori”, dyshohet se aksidentalisht ka rënë nga lartësia ku ishte duke punuar dhe për pasojë ka ndërruar jetë shtetasi Gj. P., 46 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.
