Ministri i Drejtësisë Ylli Manjani ka njoftuar sot para medias, nisjen e kompensimit të pronave nga qeveria që nga dita e nesërme.
“Atje ku toka është e lirë, ajo do të kthehet,- tha Manjani. – Kurse për pronat e zëna, nis kompensimi.
Që nesër fillon të zbatohet me përparësi, lëvrimi i 24 milionshit të parë si fond për kompensimin e tokave të pronarëve, si asnjëherë tjetër më parë.
Janë 28 mijë vendime të qytetarëve pronarë që u janë dhënë nga kompensimi i pronave por që askush nuk e ka çarë kokën për vlerësimin e tyre.
Të gjithë ata qytetarë që nuk kanë pasur mundësi të kërkojnë pronën e tyre, janë të mirëpritur që sot të paraqesin një kërkesë për të kërkuar pronën e tyre dhe kërkon vetëm dy letra nga 30 që kanë qënë deri më sot: një dokument origjine dhe një hartë të pretenduar se ku gjendet kjo pronë.
