Ish-presidenti Bujar Nishani ka publikuar një foto, që sipas tij tregon se njerëzit e Lulzim Bashës, brenda selisë së PD, kanë përdorur kundër demokratëve të njëjtat armë paralizuese, me ato që ka përdorur Policia e Shtetit.
“Policia e regjimit (supozohet të jetë e komunitetit) dhe gangsterët e Lulzim Bashës (supozohet të jenë para drejtësisë) përdorin të njëjtat armë paralizuese ndaj anëtarëve dhe veprimtarëve politik të opozitës, brenda selisë së tyre. Kukulla e Edi Ramës, mashtruesi genetik, peng i korrupsionit të rregjimit, na tha se banditët e tij përdorën “fikse zjarri”. Ja prova kriminalizuese kur, anëtarë të grupeve kriminale përdorin të njëjtat armë me policinë”, shkruan Bujar Nishani në një postim në rrjetet sociale.
