Ish-Kryeministri Sali Berisha, duke iu drejtuar qytetarëve, i ka listuar 4 arsyet sepse duhet t´i bashkohen protestës së sotme në orën 16:00 para Kryeministrisë.
Protesta u thirr nga Berisha pak ditë më parë, pasi Presidenti serb Aleksandar Vuçiç, njoftoi vizitën në Tiranë, në kuadrin e takimeve me Kryeministrin Edi Rama dhe homologun e tij maqedonas, Zoran Zaev, për “Open Balkan”.
Duke renditur pikat, Berisha shkruan se Ballkani i Hapur është projekt që e rrit dhe forcon Serbinë dhe planet e Serbisë së Madhe andaj nuk duhet lejuar asesi që të konkretizohet!
Postimi nga Berisha
1. Vuçiç është ministër i Millosheviçit. Ai akoma nuk ka kërkuar falje për krimet e kryera ndaj shqiptarëve nga Serbia dhe vazhdon ta ndjekë politikën e shefit të tij!
2. Ballkani i Hapur është projekt që e rrit dhe forcon Serbinë dhe planet e Serbisë së Madhe andaj nuk duhet lejuar asesi që të konkretizohet!
3. Edi Rama po bëhet pjesë e këtyre agjendave dhe është bërë një kukull e Vuçiçit, andaj duhet ta ndalim para se të bëhet vonë.
4. Kosova ka akoma plagë të hapura, për të cilat Vuçiç është nga përgjegjësit kryesorë. Përveç kësaj, ai edhe mohon krimet, masakrat dhe gjenocidin e kryer ndaj shqiptarëve të Kosovës në lufte, andaj nuk është i denjë që të pritet në Tiranë e aq më pak që të bashkëpunohet me të.
