Edi Rama udhëtoi paraditen e kësaj të marte drejt Gjermanisë, për të marrë pjesë në Konferencën Vjetore të Komisionit të Bllokut Lindor në Berlin.
Por teksa ishte duke shkuar në sallën e konferencave, Rama është pritur me protesta nga emigrantët shqiptarë atje.
Me pankarta në duar dhe nën thirrjet “Edi Rama o tradhtar, jep dorëheqjen sa më parë”, ata kanë shprehur revoltën e tyre kundrejt kreut të qeverisë.
Protestuesit e shoqëruan reagimin e tyre edhe me fishkëllima, ndërsa Rama, përpara se të largohej me mjetin zyrtar, i përshëndeti me dorë.
Ndërkohë kujtojmë se vala e protestave kundër Edi Ramës është shtrirë në të gjitha vendet e botës. Mijëra shqiptarë kërkojnë dorëheqjen e tij, ndërsa ky i fundit ka shpërthyer në ofendime e kritika kundrejt protestuesve dhe revoltës së tyre.
