Policia e Tiranës, ka njoftuar ditën e sotme se janë vënë në pranga 8 shtetas, si dhe janë proceduar 7 të tjerë, për vepra të ndryshme penale.
Në pranga janë vënë shtetasit:
– C. S., 58 vjeç, pasi ka ushtruar dhunë fizike dhe psikologjike ndaj bashkëshortes së tij.
– J. M., 23 vjeç dhe E. L., 24 vjeç, pasi gjatë kontrollit fizik të tyre, shtetasit J. M., iu gjet dhe sekuestrua në cilësinë e provës materiale një sasi lënde e dyshuar narkotike e llojit kokainë, ndërsa shtetasit E. L., iu gjet e sekuestrua një dorezë metalike, përforcues grushti.
– R. D., 39 vjeç, pasi ka ushtruar dhunë fizike dhe psikologjike ndaj ish bashkëshortes dhe dy vajzave të mitura.
– A. P., 62 vjeç pasi u kap duke drejtuar mjetin e tij në gjendje të dehur.
– E. P., 36 vjeç dhe E. Z., 40 vjeç pasi u kapën duke drejtuar mjetet përkatëse në gjendje të dehur.
– J. Sh., 31 vjeç pasi duke drejtuar mjetin e tij në mënyrë të parregullt dhe në gjendje të dehur, ka aksidentuar këmbësorin shtetasin V. Z., 62 vjeç dhe këmbesoren shtetasen A. Z., 56 vjeçe, të cilët kanë marrë ndihmën mjekësore në spital dhe janë jashtë rrezikut për jetën.
Ndërsa janë proceduar penalisht shtetasit:
– R. M., 56 vjeç pasi për motive të dobëta ka kanosur me fjalë komshiun shtetasin Sh. M., 68 vjeç.
—S. K., 46 vjeç dhe K. K., 57 vjeç, pasi në kundërshtim me vendimin e Gjykatës, duke qenë të pajisur me urdhër mbrojtje, kanë debatuar me njëri-tjetrin. Si dhe E. V., 44 vjeç, pasi në rrugën e “Kavajës” nuk i është bindur urdhërit të punonjëses së policisë rrugore.
— Shtetasja A. N., pasi është konstatuar duke kryer punime në lokalin e saj, pa lejen e organeve kopetente.
-Shtetasi, Sh. Z., pasi është konstatuar duke kryer punime në banesën e tij, pa lejen e organeve kopetente.
– F. A., 18 vjeç pasi gjatë kontrollit të mjetit të tij, iu gjet dhe sekuestrua në cilësinë e provës materiale një shkop druri bejsbolli.
—–
Është proceduar gjithashtu shtetasi F. M., 43 vjeç, pasi më datë 29.11.2021, rreth orës 06:30, në rrugën e “Dajtit”, është konstatuar, me materiale drusore të përpunuara, për të cilat ka qenë i pajisur me dokumentat përkatëse dhe me leje për zhvillimin e këtij aktiviteti.
Gjithashtu është proceduar shtetasi O. Ç., 29 vjeç (me probleme të shëndetit mendor), pasi më datë 30.11.2021, rreth orës 04:45, ka tentuar të vetëvritet me një mjet prerës.
“Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale”,- njofton policia.
