Një shkëmbim zjarri ka ndodhur mes dy personave në zonën e Kropias, Greqi, ku nga një makinë u qëllua me armë në drejtim të një tjetër automjeti.
Sipas dëshmive, autori, i cili dyshohet se kishte mjekër dhe mbante të veshur një triko të zezë, ka qëlluar nga një “Open Astra” kundër një tjetër personi që po hipte në një “Audi S3” të bardhë.
Personi në fjalë ka marrë një plumb në këmbë dhe i është ofruar ndihma e parë.
Sipas mediave helene përplasja dyshohet se ka ndodhur mes shqiptarëve dhe romëve.
“Po flasim për rivalitete mes grupeve shqiptare dhe romëve se kush do të kontrollojë tregtinë e drogës në rajon. Unë kam vite që flas për këtë situatë dhe ja rezultati’ është shprehur kryetari i Bashkisë Kropia, Dimitris Kiousis.
