Ish-Sekretari i Përgjithshëm i Partisë Demokratike, Arben Ristani në një lidhje me emisionin ‘Opinion’ ju kundrprgjigj Gazment Bardhit, i cili e quajti ilegjitim mbledhjen e Kuvendit.
Ristani tha se në rastin ku ndodhet PD është anëtarësia ajo që mbledh Kuvendin dhe më pas bën verifikikmin e mandateve.
‘Opinioni është i manipuluar nga kundërshtarët e Kuvendit. Kuvendi në këtë rast nuk po mblidhet në një procedurë normale, në një procedurë normale e mbledh kryetari me anë të kryesisë, por në raste të tjera Kuvendi vetëmblidhet me firmën e ¼ e anëtarësisë, dhe në këtë rast është vetë Kuvendi që e thërret Kuvendin, duke bërë edhe verifikimin e mandateve’, deklaroi Ristani.
