Dëshmia e një gruaje shqiptare, e qëlluar me thikë nga i shoqi në sy të fëmijëve, ka tronditur opinionin publik italian dhe jo vetëm.
Gruaja në sallen e gjyqit ka dalë në mbrojtje të burrit që ndodhet në qeli me akuzën vrasjes së mbetur në tentativë.
Madje ajo ka kërkuar në gjykatë që burrit të saj t’i hiqet masa e arrestit duke e justifikuar veprimin e tij si “një çmenduri të momentit”.
Sipas medias italiane ngjarja ku gruaja mbeti e plagosur ndodhi me datën 2 janar në orën 7:30 të mëngjesit, kur shqiptari 44-vjeçar me nënshtetësi italiane, i bërë gati për në punë, ka sulmuar me thikë 36-vjeçaren. Burri madje pas goditjes me thikë ka tentuar ta mbyssë edhe me duar, por ulërimat e saj dhe të fëmijëve kanë alarmuar fqinjët, të cilët kanë njoftuar policinë.
Gruaja e dhunuar ka thënë në gjyq se burri i saj është punëtor dhe baba shembullor.
Përpos dëshmisë së gruas akuza ndaj shqiptarit nuk do të ndryshojë, raportojnë mediat italiane.
