Gjykata Kushtetuese shpalli sot vendimin lidhur me zgjedhjet lokale të 30 qershorit, ndërsa legjitimoi procesin, edhe pse ai u bojkotua nga PD, LSI dhe aleatët e tyre opozitarë.
Kjo do të thotë se Kryebashkiakët që morën mandatet me një proces elektoral një partiak kanë të ligjshme mandatet.
Ndërkohë në 6 bashki duhet të zhvillohen zgjedhjet e parakohshme për Kryebashkiakët, pasi në 5 prej tyre janë drejtues të komanduar, ndërsa në Shkodër, Voltana Ademit ka dy vite që i ka pvrfunduar mandati.
Presidenti Ilir Meta duhet të dekretojë një datë lidhur me zgjedhjet, ndërsa më parë ishte shprehur se do të priste vendimin e Kushtetueses.
Ndoshta, pas bërjes publike të vendimit të plotë, lidhur me arsyetimin mbi të cilin gjyqtarët e Kushtetueses kanë rrëzuar pretendimet se zgjedhjet e 30 qershorit ishin të paligjshme, Kreu i Shtetit mund të caktojë një datë për zhvillimin e zgjedhjeve në bashkitë: Shkodër, Dibër, Lushnjë, Rrogozhinë, Durrës, dhe Vorë.
