Një video emocionuese është publikuar në rrjetet sociale, në të cilën shihen oficerët pyjorë, duke shpëtuar një nënë dhe foshnjën e saj, që ishin bllokuar në një kodër shkëmbore pranë një ujëvare, për shkak të përmbytjeve të mëdha në Indi.
Në video duket nëna e cila mban fëmijën në krah, duke luftuar për ta mbajtur atë sa më të sigurt, ndërkohë rrezikojnë të tërhiqen nga rryma e ujëvarës.
Për fat të mirë nënën bashkë me foshnjën e shpëtojnë agjentët pyjorë. Megjithatë në fund të videos 2 nga oficerët që shpëtuan nënën me fëmijën humbasin ekuilibrin dhe rrëzohen.
Më vonë, oficeri i pyjeve të distriktit të Salem, K. Gowthamel, konfirmoi se nuk u regjistruan asnjë vdekje ose lëndim pas incidentit dhe se të gjithë gëzojnë shëndet.
