Deputeti dhe kreu i Këshillit Kombëtar të PD, Edi Paloka, ka reaguar me një postim në faqen e tij në rrjetin social ndaj deklaratës së kreut demokrat Lulzim Basha në Kuvend për ish-Kryeministrin Sali Berisha, të cilin e konsideroi si një prej brinjëve të trekëndëshit, duke përmendur këtu edhe Edi Ramën dhe Ilir Metën.
“Nuk mund ti lejosh vetes të vendosësh kurrë e në asnjë rrethanë, shenjë barazimi mes Sali Berishës dhe Edvin Ramës! Të paktën jo duke perfaqësuar demokratët!”, shkruan Paloka
Postimi i plotë:
Ky është gabim i madh zoti Basha ! Gabim i madh politik e njerëzor ! Sado mllef të të jetë mbledhur këto kohë nga një situate që në fakt vetë e krijove, nuk mund ti lejosh vetes të vendosësh kurrë e në asnjë rrethanë, shenjë barazimi mes Sali Berishës dhe Edvin Ramës! Të paktën jo duke perfaqësuar demokratët!
