Një surprizë e papritur për deputetët këtë të Martë, të cilët mbeten në errësirë për disa minuta për shkak të ndërprerjes së energjisë elektrike.
Rreth orës 11, Kryesia e Kuvendit mbeti pa energji elektrike, teksa në salla po zhvilloheshin disa komisione. Deputetët u gjendën pa energji elektrike. Në këto kushte, komisioni i Ekonomisë ndërpreu mbledhjen, ndërsa të tjera komisione vijuan diskutimet.
Nuk kanë munguar batutat e deputetëve për situatën e krijuar. “Edhe aeroplani bie, edhe avioni bie, megjithatë shoh që mikrofoni është i ndezur, duhet parë çelësi i brendshëm”, tha kreu i OSHEE-së Adrian Çela në komisionin e Ekonomisë.
Ndërsa deputetja e PS Ermonela Felaj që ishte duke folur tek “Ligjet” tha se masat janë marrë si duhet, duke iu referuar funksionimit të mikrofonave. “Ja i kemi marrë masat si duhet, që edhe në krizë puna të vijojë normalisht”, tha ajo.
Lidhur me situtën, OSHEE njoftoi se: “per shkak te shkendijes elektrike (duke shkaktuar zjarr), ne kabinen private ne pronesi te Kullave Binjake, OSHEE stakoi linjen qe furnizon zonen perreth per mase sigurie. Nderkohe, manovruam duke rikthyer energjine per zonen permes linjes se dyte”.
