“Hajdut dil përjashta”, Gazment Bardhi përplaset me zv.ministrin e Ramës

Sekretari i Përgjithshëm i PD, Gazment Bardhi, deputeti Komisionit të Ligjeve, ka pasur një debat të ashpër me zv.ministrin e Energjisë, Ilir Bejtja.

Bardhi e akuzoi Bejtjan si hajdut dhe i kërkoi të largohej nga Komisioni. Ndërkohë, Bejtja si kundërpërgjigje i kujtoi vrasjen e Elbasanit, pak ditë para zgjedhjeve të 25 prillit.

Debati ka nisur kur në mungesë të argumentave për borxhin e lartë të OSHEE dhe rritjen e borxhit nga muaji në muaj, zv ministri i Energjitikës foli me përbuzje dhe përçmim për kryefamiljarët që kanë vrarë veten në burg për shkak të pamundësisë për të shkuer borxhin ndaj OSHEE.

Duke iu përgjigjur opozitës për rastin e një personi të vetëvrarë në burg, ku ishte për 35 mijë lekë të vjetra, Ilir Bejtaj tha se “ai s’u vetëvra nga borxhi, por nga mendtë e kokës”.

LEXO EDHE  1796 testime/ Një humbje jete dhe 328 të infektuar në 24 orët e fundit në Shqipëri

Deputeti Gazment Bardhi i kërkoi të tërhiqte fjalët se po gënjente dhe po fyente një të vdekur.

Debat Bejtja – Bardhi:

Gazment Bardhi: “Ik mo hajdut dil përjashta”

Ilir Bejtja: Një njeri është varur nga një borxh 35 lek të vjetra. Zoti Bardhi unë kam një parim, them vetëm të vërtetën. Ai ka qenë në burg për 35 mijë lekë, unë nuk tërheq asgjë. Mos më fol mua, ti ke vrarë një njeri në Elbasan.