Më shume se100 qytetarë janë paraqitur në Siptalin e Krujës me shenja helmimi gjatë dy ditëve të fundit. Shkak për këtë dyshohet të jetë bërë uji i pijshëm. Ndërkohë autoritetet njoftuan se kanë ndërprerë furnizimin me ujë të pijshëm deri në mbërritjen e përgjigjeve të analizave.
“Ndërkohë është bërë ndërprerja e ujit të rrjetit, duke qenë se suspekti i parë ka qenë uji që furnizon qytetin. Ndalimi është bërë që në orët e para të mëngjesit dhe nga ai moment nuk ka pasur ujë në popullatë”-tha Redi Rroshi, drejtori i Njësisë Vendore të Kujdesit Shëndetësor Krujë.
Po ashtu Policia e Krujës njoftoi sot pasdite se kishte nisur hetimet me marrjen e informacionit nga spitali i qytetit.
