Olsi Rama shpërthen në kritika pas derbit: Njerëz pa sedër, i bien të njëjtës vegël!

Humbja ndaj Tiranës ka lënë shije të humbur te Partizani që këtë sezon ende nuk ka gjetur rrugën e fitores.

Pas ndeshjes, drejtori klubit Olsi Rama është shprehur me tone të ashpra duke akuzuar gjyqtarët e ndeshjes për penalltinë e dhënë në favor të bardhebluve. Në prononcimin për mediat, Rama u shpreh:

“Nuk mund të japësh penallti me VAR e më pas të mos shikosh një ndërhyrje tjetër. Këta duhet të kenë turp, duhet të kenë sedër. Ke VAR e televizion dhe i bien të njëjtës vegël. Unë harxhoj nervat e mia dhe them: A ja vlen të merrem me këtë gjë?!

LEXO EDHE  Vllaznia-Partizani, ndiqni pjesën e dytë live

Dikush vendos me dy ose tre standarde. Djemtë e dinë mirë se pavarësisht arbitrave, duhet të futen në fushë për fitore” , ishin akuzat e rënda të Olsi Ramës.