Sherri i sajuar i Fifit dhe Monika Lubonjës ka krijuar një situatë aspak të mirë në shtëpinë e “Big Brother VIP”. Fifi ka mbajtur një shkop druri në dorë, për të cilin ka thënë se ia ka lejuar “vëlllai i madh”. Semi është shprehur e shqetësuar duke thënë se nuk mundet që ta shohë pasi ka frikë.
“Më sikletos kur të shoh me shkop vërdallë, nuk është normale’’– i tha Semi e revoltuar Fifit.
“Nëse të shqetëson ndërro krah, unë kështu dua të rri dhe kaq. Nuk më intereson nëse e ke frikë ose bezdi.”- i tha Fifi duke ulëritur.
Ky debat u shoqërua me tone shumë të larta zëri, gjë që ndikoi dhe tek banorët e tjerë. Pas kësaj ngjarje, Semi ka shpërthyer në të qara dhe kishte vështirësi në frymëmarrje. Më pas ajo është qetësuar nga Beniada dhe Donaldi.
Më vonë, kur kuptoi se me këtë veprim u prek shëndeti mendor i Semit e cila ka treguar se vuan nga ankthi, Fifi shkoi tek ajo dhe i kërkoi falje duke i thënë se nuk ishte diçka e qëllimshme.
