Në takimin e Këshillit Kombëtar të Integrimit pas daljes së progres raportit, Jorida Tabaku bëri përgjegjëse Qeverinë pse Shqipëria nuk ka përmbushur kriteret për hapjen e negociatave: demokracia, mirëqenia ekonomike, të drejtat e njeriut janë në përkeqësim.
“Ne nuk mund të sajojmë një luftë apo armiqësi të paqena me faktorë të jashtëm ndërkohë që në 8 vite kemi lëvizur pak ose aspak në fushat kryesore”, u shpreh Tabaku, duke kundërshtuar tezën e Ramës që fajeson BE-në për moshapjene negociatave.
Po, Nënkryetari i Komisionit, Taulant Balla, u përgjigj se progresi i bërë nga Shqipëria ishte i qartë ndërsa e hodhi përgjegjësinë te Bashkimi Europian. “Rikthimi në shina i Komisionit teknik mbetet rruga e duhur për rikthimin në shina të procesit të integrimit”, tha Balla.
Ai u shpreh se që prej anëtarësimit të Kroacisë në BE, i gjithë unioni kishte pasur problematika të brendshme të cilat kishin bërë që të mos mbahej konferenca e parë ndërqeveritare për hapjen e negociatave.
