Një aksident me vdekje ka ndodhur në Berat mbrëmjen e djeshme. Një 48-vjeçar, teksa kalonte rrugën, është përplasur nga një automjet.
“Në vendin e quajtur ‘Çentër Shqiptare’, Kombinat, shtetasi Artur Abazaj, 48 vjeç, banues në lagjen Çlirim, Berat, duke kaluar rrugën, është goditur nga një mjet dhe për pasojë ka humbur jetën. Drejtuesi i mjetit, ende i paidentifikuar, pas aksidentit, është larguar nga vendngjarja”, njoftoi policia.
Shërbimet e Policisë dhe grupi hetimor po punojnë për zbardhjen e rrethanave të aksidentit, identifikimin dhe kapjen e drejtuesit të mjetit, shtuan të njëjtat burime.
