Mazhoranca ka kaluar me votim me procedura të përshpejtuara projektiligjin per Eurobondin me vlerë 700 milionë euro, duke kapur pa përgatitur opozitën. Sekretari i Përgjithshëm i PD, Gazment Bardhi, reagoi ashpër duke e akuzuar Nikollën se po shkel rregulloren e kuvendit, pasi nuk mund të shtohen pika në mënyrë të përshpejtuar.
Teksa Nikolla iu përgjigj se Eurobondi është hedhur me procedurë të përshpejtuar në sistem, Bardhi iu kundërpërgjigj duke i thënë se opozita nuk mund të trajtohet sikur ‘mazhoranca e ka në xhep dhe mund ta fusë dhe nxjerrë nga xhepi kur të dojë’.
Më pas Bardhi ironizoi Kryeparlamentaren duke e quajtuar zëdhënëse të Taulant Ballës, gjë e cila shkaktoi replikën e këtij të fundit, i cili i tha Bardhit ‘Çfarë ke more zotëri, të ngeli emri im në gojë’.
Pjesë nga debati:
Bardhi: Duhet t’i qëndroni rregullores. Fjala për prcodeure jepet menjëherë. Pika e dytë ishin njoftimet. Pasi ka nisur seanca plenare nuk mund të shtohet pika në rendin e ditës se kështu i teket Edi Ramës apo qoftë dhe ju zonja Kryetare. Në pikën dy njoftime të kishit bërë këtë njëftim. Nuk mund të shtoni një çështje, se kjo është shkelje flagrante e rregullores. Ju e hidhni në votim. A ja keni shpërndarë deputetevë projektvendimin? Ky është kuvendi i Shqipërisë dhe ju nuk mund të na trjatoni ne sikur na keni në xhep, dhe mund të na nxirrni dhe të na nxirrini sipas qejfit. Ku e ke vendimin?
Nikolla: Është hedhur në sistem.
Bardhi: Jo nuk është hedhur në sistem.
Nikolla: Është në sistem sipas procedurave të përshpejtuara.
Bardhi: Kjo kërkesë nuk ka qenë e depozituar. Nuk mund të shtoni gjëra dhe të ftoni për votim. Anulloni votimin. Paraqitni kërkesën e ardhur nga këshilli i ministrave. Ta shqyrtojmë dhe ta votojmë. Parlamenti të funksionojë me rregullore, jo me urdhërat e Taulant Ballës, nuk je zëdhënësja e Taulant Ballës. Unë e kam besuar atë zotim që keni bërë, por dita ditës po e shkelni.
Balla: Të ngeli në gojë emrim. Cfarë ke mor zotëri? Hiqe nga goja emrin tim. S’ka të bëjë me mua fare. E di që e keni inatin me zotin Bode, por ka qenë. Zoti ju ruajtë me këtë lloj që keni.
