Cristiano Ronaldo dhe Georgina Rodriguez janë një prej çifteve më të komentuar. Futbollisti nuk kursehet asnjëherë nëse bëhet fjalë për t’i bërë dhurata partneres së tij, Georginës.
Cristiano i ka dhuruar një nga bagazhet më ikonike të Louis Vuitton në të cilën mund të ruhet një sasi e madhe e bizhuve. Dhurata e Cristiano Ronaldos përfshinte edhe tre çanta të tjera me të njëjtin funksion.
Sidoqoftë, ajo që i ka lënë ndjekësit e saj pa fjalë, dhe sigurisht edhe vetë modelen, është çmimi i kësaj dhurate. Ky bagazh kushton 124,000 euro.
‘ Malle Vendôme’ është një nga artikujt më luksozë të firmës së njohur dhe u krijua si një dhuratë për përurimin e butikut të kësaj marke në Place Vendôme epiqendra e argjendarëve parizianë. Me dimensione që arrijnë 140 centimetra në lartësi , ai ka tetë sirtarë për të ruajtur stoli, një bust për gjerdan dhe një pasqyrë të lëvizshme.
“Jam pa fjalë”- shkruan modelja në postimin e saj të cilin e ka shoqëruar dhe me një emoji që tregon se po qan nga gëzimi.
