Zbardhen detaje të reja nga plagosja e dyfishtë e ndodhur në zonën e ish-parkut të autobusëve në Tiranë. Nga raportimet mësohet se të plagosurit janë Aleksandër Nikolli, 27 vjeç dhe Xhulio Vela, 25 vjeç.
Policia e Tiranës/ Informacion paraprak
Rreth orës 17:00, në kryqëzimin e rrugës ‘Ndre Mjeda’ dhe ‘Frosina Plaku’, në rrethana ende të paqarta, janë plagosur dyshohet me armë zjarri shtetasit A. N., rreth 27 vjeç dhe Xh. V, rreth 25 vjeç, të cilët ndodhen në spital, nën kujdesin e mjekëve.
Shërbimet e Policisë kanë ngritur pika kontrolli dhe po bëjnë kontrollin e zonës përreth vendit të ngjarjes, me qëllim identifikimin dhe kapjen e autorit.
Njëkohësisht, grupi hetimor po punon për mbledhjen e të gjitha provave që do çojnë në identifikimin e autorit dhe dokumentimin e plotë të ngjarjes.
