Gjekmarkaj: Basha ka qenë i dubluar nga Berisha, duhej t´a largonte në 2013-ën

Deputeti demokrat Agron Gjekmarkaj tha sot në Top Talk se do të largonte ish-Kryeministrin Sali Berisha që në vitin 2013 nga Partia Demokratike.

“Unë kam natyrë tjetër nga Lulzim Basha, shumë tjetër. Unë do ta kisha marrë këtë vendim një 2013-ën, do ta kisha marrë vet, do ta kisha bërë përpjekjen sepse, të gjitha shoqëritë, po shoqëria shqiptare më shumë sesa të tjerat, liderin e do lider, mbretin e do mbret”, tha Gjekmarkaj.

Në vijim ai u shpreh se pavarësisht se flamurin e kemi me dy koka, në një farë mënyre Basha ka qenë i dubluar nën hijen e Sali Berishës, për mirë apo për keq merre si të duash, për t’u justifikuar apo për t’u ikur shigjetimeve, por ka qenë.

LEXO EDHE  Dyshohet se i njihte autorët dhe u ekzekutua nga afër/ Detaje të reja nga vr*sja e Alban Semakut

“Të jem real, unë Lulzim Bashën e shoh prej katër javësh si njeri që ka totalisht përgjegjësinë mbi vete, mirë apo keq do të gjykohet në kohë, në vazhdim. Por që e shoh të jetë ai vetvetja, në sensin që është ai që e ka këtë borën mbi qafë, atë të liderit. Dhe kryetarin do ta gjykojmë 100 si kryetar të vërtet dhe real për meritat apo për gabimet e tij nesër”, shtoi ai.