Ambasadorja amerikane në Tiranë, Yuri Kim, përmes një postimi në rrjetet sociale, i është rikthyer zgjedhjet të 25 prillit, ndërsa u kërkon autoriteteve të veprojnë bazuar te rekomandimet e OSBE/ODIHR.
Pavarësisht se pas procesit zgjedhor, qoftë diplomatja amerikane, ashtu edhe DASH mbajtën një qëndrim aprovues lidhur me zgjedhjet, edhe pse procesi nuk ishte përmbyllur, sot Kim ka vënë theksin pikërisht te vota e lirë.
“Ne i nxisim autoritetet të veprojnë sipas këtij dhe rekomandimeve të tjera të OSBE/ ODHIR në lidhje me zgjedhjet e 25 prillit. E drejta e qytetarëve për të votuar lirshëm, pa frikë ose presion ose joshje të paligjshme është themelore për demokracinë,” shkruan Kim, e cila ka shpërndarë një postim të kreut të KQZ, Ilirja Celibashit, i cili ka vënë theksin te patronazhistët, që citohen në raport.
We urge authorities to act on this and other recommendations of @osce_odihr regarding the April 25 election. The right of citizens to vote freely – without fear or pressure or illegal enticement – is basic to democracy. https://t.co/xNaUqLsGhI
— Ambassador Yuri Kim (@USAmbAlbania) October 11, 2021
