Një adoleshent 17-vjeçar u arrestua nga policia në Tiranë pasi u zbulua se kundrejt shumave monetare, ndihmonte shtetas të huaj për kalim të paligjshëm të kufirit.
Në pranga tha policia ra edhe një 19-vjeçare, që dyshohet se siguronte lidhjen midis të arrestuarit, të shpallurit në kërkim dhe emigrantëve.
“Seksioni për Hetimin e Trafiqeve të Paligjshme, në bashkëpunim me Forcën e Posaçme Operacionale dhe Forcën e Posaçme ‘Shqiponja’ në DVP Tiranë, bënë arrestimin në flagrancë të shtetasve: G. M., 17 vjeç dhe G. B., 19 vjeçe. Si dhe u shpall në kërkim shtetasi A. Sh., 23 vjeç. Shtetasi G. M. është kapur në flagrancë në rrugën ‘Allaman Dervsihi’, duke transportuar me një automjet, të cilin e drejtonte pa lejen përkatëse, emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës”, njoftoi policia.
Shtetasja G.B. dyshohet se siguronte lidhjen midis shtetasve G. M., A. Sh. dhe emigrantëve, shtuan të njëjtat burime.
N”ë vijim të veprimeve, gjatë kontrollit të mjetit, u gjet dhe u sekuestrua një sasi me lëndë narkotike kokainë, ndërsa materialet proceduriale do t’i kalojnë Prokurorisë pranë Gjykatës së Shkallës së Parë Tiranë, për veprime të metejshme“, thuhet më tej në njoftimin e policisë.
