Një aksident me tre të plagosur ka ndodhur këtë të Hënë në Krastë të Krujës.
“Rreth orës 09:55, shtetasi K.D., 20 vjeç, duke drejtuar mjetin tip ‘Benz’, ka humbur kontrollin dhe ka dalë nga rruga. Si pasojë, janë dëmtuar drejtuesi i mjetit dhe 2 pasagjerë, të cilët ndodhen nën kujdesin e mjekëve, jashtë rrezikut për jetën”, njoftoi policia.
Grupi hetimor ndodhet në vendngjarje dhe po punon për zbardhjen e rrethanave të aksidentit, shtuan të njëjtat burime.
