Pas Portugalisë, Franca është kampionia e dytë në historinë e Ligë së Kombeve.
Në “San Siro”, kampionët edhe të botës në fuqi permbysën një ndeshje spektakolare ndaj Spanjës duke fituar 2-1 dhe sigurisht që heronjtë e mbrëmjes ishin Benzema dhe Mbappe.
Pjesa e parë nisi shumë shpejt dhe shumë mire për Francën që krijon dy mundësi të arta për shënim me Benzema që shmang portierin dhe asiston në zonë por nuk arrin askush dhe me Griezmann që një krosim desh futet në portë.
Gjithsesi Spanja merr zotërimin e topit dhe dominon deri në 66% mbajtje ndaj 34% të Francës dhe në 33 pretenton një penallti që VAR nuk e akordon.
“Gjelat” marrin një goditje teksa në minutën e fundit të pjesës së parë humbasin Varane për shkak dëmtimi ndërsa pjesa e dytë është spektakël më vete.
Spanja që po luante më mirë, në 64’ kalon në avantazh me Oyarzabal por Franca vetëm 2 minuta më pas barazon falë një kryevepre të Benzema që thyen Simon.
Spanja e shokuar për barazimin e shpejtë nuk e merr veten dhe Franca në një kundërsulm të shpejtë në 80’ falë një asisti nga Theo Hernandez, përfiton duke kaluar në avantazh me Kylian Mbappe. Edhe goli i sulmuesit francez ishte shumë i bukur.
Sfida përfundon me këtë rezultat dhe Franca merr një tjetër titull.
