Në samitin e Bashkimit Europian me Ballkanin Perëndimor, i cili u mbajt në Slloveni, nuk u arrit diçka konkrete, lidhur me hapjen e negociatave për Shqipërinë dhe Maqedoninë e Veriut.
Vendi që nuk ka pranuar caktimin e një date ishte Gjermania.
Kancelarja Angela Merkel deklaroi se nuk mbështeti dhënien e një date të caktuar vendeve të Ballkanit Perëndimor për pranimin e tyre në Union.
“Unë nuk e përkraha caktimin e date për pranimin e tyre në BE”, tha kancelarja në largim e Gjermanisë. Nga ana tjetër, Merkel tha se zgjidhja e ngërçit Kosovë-Serbi nuk është e lehtë, por sipas saj ka pasur përparim edhe pse modest.
“Procesi i Berlinit ka pasur një efekt vërtet pozitiv në rajon, e kjo duket kur shikoni gjashtë duke bashkëpunuar me njëri-tjetrin. Projekti më i fundit dhe më i ri është krijimi i një tregu të përbashkët rajonal, jo të gjitha vendet e Ballkanit Perëndimor janë pajtuar për çdo detaj. Ne biseduam me Serbinë, Bosnjën dhe Kosovën për kapërcimin e çështjeve dhe problemeve të pazgjidhura”, shtoi ajo.
