“Big Brother VIP” do të nisë mbrëmjen e së Martës, 5 Tetor, dhe ai që do të shpallet fitues do të shkojë në shtëpi pas 100 ditësh me çmimin e madh prej 100 mijë eurosh.
Moderatorja Arbana Osmani ka zbuluar mëngjesin e sotëm disa detaje në lidhje me banorët që do të bëhen pjesë e edicionit të parë të “Big Brother VIP”.
Arbana ka postuar një foto në “Instastory”, ku shkruan se prej 24 orësh, banorët janë të izoluar në dhoma të veçanta në hotel. Ata nuk kanë telefon dhe nuk mund të komunikojnë me asnjë, përveç produksionit.
Gjithashtu Osmani zbulon se ata do t’u nënshtrohen një serë testesh mjekësore, psikologjike si dhe disa trajtimeve bukurie.
“Prej 24 orësh të gjithë banorët e BBVIP janë izoluar në dhoma të veçanta në hotel, pa telefon dhe pa mundësinë për të komunikuar me askënd përveç Produksionit. Ata do t’ju nënshtrohen në vijim një serë testesh mjekësore, psikologjike dhe trajtimesh terapeutike dhe beauty për t’u bërë gati për nesë”, shkruan moderatorja.
