Në Kosovë, të mërkurën, janë regjistruar edhe dy raste të vdekjeve nga koronavirusi i ri, duke e çuar numrin e përgjithshëm të viktimave në 2.949.
Autoritetet shëndetësore kanë njoftuar se gjatë 24 orëve të fundit janë kryer 4.363 testime dhe rezultatet laboratorike kanë treguar se 66 prej tyre janë pozitive në koronavirus.
Ministria e Shëndetësisë njoftoi se nga sëmundja janë shëruar edhe 221 pacientë, ndërsa raste aktive janë 3.185.
Prej shpërthimit të pandemisë në mars të vitit 2020, autoritetet shëndetësore në Kosovë kanë regjistruar mbi 160.000 raste të infektimit.
Prej fillimit të vaksinimit në të gjitha qytetet e Kosovës janë dhënë 1.312.912 doza të vaksinës.
Sipas ministrisë së Shëndetësisë, deri më 29 shtator, me dozën e dytë janë vaksinuar 520.182 qytetarë.
