Shtetet e Bashkuara kanë pranuar gabimin nga sulmi me dron në Kabul, para tërheqjes së ushtarëve amerikanë nga Afganistani.
Nga sulmi me dron fillimisht u tha se ishte vrarë urdhëruesi i sulmit terrorist që shkaktoi dhjetra të vdekur dhe të plagosur pranë aeroportit të Kabulit, mes të cilëve edhe ushtarakë amerikanë.
Por një zyrtar amerikan i tha CBS News, se nga sulmi me dron u vranë 10 njerëz të pafajshëm, që po udhëtonin me automjete.
Mediat amerikane raportojnë se Pentagoni ka konfirmuar vrasjen e 10 të pafajshmëve, mes të cilëve 7 fëmijë.
Të 10 -të u vranë kur një makinë e parkuar në shtëpinë e tyre u godit nga një dron. Disa nga të vrarët kishin punuar më parë për organizatat ndërkombëtare dhe kishin viza që u lejonin atyre hyrjen në SHBA.
