Aksidenti, përplasen dy automjete/ Plagosen 3 policë të Morinës

Tre efektivë të policisë së Kukësit mbetën të plagosur si pasojë e një aksidenti.

Sipas raportimeve, mësohet se aksidenti ka ndodhur rreth orës 20:10 në aksin rrugor Milot-Morinë në afërsi të një karburanti.

Një automjet me drejtues një 35-vjeçar me inicialet E.A., banues në Angli, është përplasur me automjetin e policisë tip “Ford”.

LEXO EDHE  Të burgosurit në Peqin refuzojnë ushqimin: Duam të takohemi me familjarët

Si pasojë e aksidentit janë plagosur lehtë 3 punonjës policie të Kukësit, të cilët po marrin mjekim në spitalin e Mirditës.

Grupi hetimor, nën drejtimin e Prokurorisë Lezhë, po kryejnë veprimet hetimore për zbardhjen e plotë të rrethanave të ngjarjes.