Pesë persona mbetën të plagosur si pasojë e një sulmi me thikë. Ngjarja e rëndë ka ndodhur në Rimini, Itali, ku një person ka qëlluar me thikë 5 qytetarë në një autobus.
Mediat bëjnë me dije se ngjarja ka ndodhur në momentin që po kontrolloheshin biletat, ai sulmoi dy gratë me thikë.
Autori ka dalë më pas nga autobusi dhe plagosi tre persona të tjerë në arratisjen e tij, përfshirë një fëmijë, të cilin e ka goditur në fyt.
Policia ka bërë të mundur ndalimin e tij. Autori është me origjinë nga Somalia dhe prej vitesh jetonte si emigrant në disa vende të Evropës.
