Tragjedia në Spitalin Covid në Tetovë ishte padyshim ndër më të rëndat të regjistruara ndonjëherë. Si pasojë e zjarrit humbën jetën 14 persona dhe u plagosën disa të tjerë.
Ndërkohë në rrjet të shumta kanë qenë reagimet dhe komentet për këtë ngjarje. Historia e një çifti është me të vërtetë e trishtë.
“Me dhimbje të madhe u dhamë lamtumirën e fundit dy bashkëvendasve tanë nga fsh.Bozovcë, çiftit Xhemal dhe Zarife Bilalli, të cilët e humbën jetën në tragjedinë e datës 08.09.2021 në spitalin modular të Tetovës i cili u përfshi nga zjarri. Sa të jetojmë do t’i kujtojmë”– shkruhet në një postim në Facebook.
Familja Bilalli nga fshati Bozovcë humbi dy anëtarë të familjes (burrë e grua) si pasojë e tragjedisë së ndodhur në Qendrën modulare të Klinikës së Tetovës për pacientët me Covid-19.
.Është dhimbje e madhe jo vetëm për familjen, por për të gjithë ne, si shoqëri në tërësi. Është dhimbje e madhe se humbëm njerëz, dhe këto humbje janë më të dhimbshme sepse janë tragjike. Nuk ka fjalë për t’i përshkruar dhimbjet dhe shumë e vështirë për familjen për t’i kaluar ato.Ngushëllime familjes Bilalli e Zoti u dhashtë forcën” -shkruan një tjetër i afërm në “Facebook”.
“ Me pikellim te thelle vendlindja jone fsh.Bozovce percolli per banesen e fundit dy bashkevendas e saj nga zjari i tmershem qe perfshiju spitalin e Tetoves, lutemi per ta deri ne qyelle qe ti bashkoj Zoti gjithesis ne parajs boten tjeter ashtu si ishin te bashkuar kete bote bure dhe grua #XhemalZarifeBilalli. Burri i cili kishte qenë i infektuar me covid-19 nuk kishte se kush ta ndihmonte dhe pranë tij në spital ishte gruaja, e cila pasi shpërtheu zjarri tentoi ta shpëtonte, por nuk mundi dhe të dy u dogjën në luftë me flakët”- shkruhet në një tjetër postim.
