Kryeministri Edi Rama ka njoftuar, përmes rrjeteve sociale, mbi një takim me gazetaren e BBC-së, Yalda Hakim, e cila u bë e njohur për ndihmën që u dha vajzave afgane për ti shpëtuar nga talibanët.
Rama shkruan se është një nder të punosh me njerëz të tillë që ndihmojnë për të nxjerrë nga ferri fëmijët, gratë dhe burrat afganë dhe për ti berë të ndihen si në shtëpinë e tyre në Shqipëri.
“Një nder të punosh krah për krah Yalda Hakim dhe njerëz të tjerë të mëdhenj për të nxjerrë nga ferri fëmijë, gra dhe burra dhe për t’i bërë ata të ndihen si në shtëpi në Shqipëri. Pasi t’i strehojmë ata duhet t’u ofrojmë atyre një jetë të re. Për ata, për ne, për fëmijët tanë”, shkruan Rama.
An honour to work hand in hand with @BBCYaldaHakim and other great people to get out of hell kids, women and men from Afghanistan and make them feel home in Albania.After sheltering them we should offer them a life and we will do it altogether🤝For them for us for our kids🇦🇱 pic.twitter.com/s17c24PJ4M
— Edi Rama (@ediramaal) September 5, 2021
Gazetarja dhe prezantuesja e njohur e BBC, Yalda Hakim, nxorri nga Afganistani i pushtuar nga kaosi disa javë më parë, 59 studentë nga American University of Kabul, bashkë me disa gazetarë, komedianë dhe prezantues radiofonik.
