Policia e Kamzës vuri në pranga këtë të diel një 22 – vjecar që i veshur si polic ndalonte makinat dhe grabiste pasagjerët. Ai është Halil Topalli i cili ka vepruar në bashkëpunim me Shaban Topalli, një kushëririn e tij, gjithashtu të arrestuar.
I riu duket se ka dashur të bëjë një jetë luksoze me mënyrën e re të jetesës. Nga fotot që ai postonte në Facebook ai tregon shuma të mëdha lekësh dhe eurosh, në makina luksoze.
Madje ai ka edhe fotografi me veshjet e policisë, me të cilat dilte në rrugë dhe hiqej si efektiv i Policisë Rrugore. Fotot i shoqëron me fjalët: “Jo keq si fillim”
Ndërsa është shpallur në kërkim një tjetër person identitetit i të cilit nuk bëhet me dije për arsye hetimore. Ky i fundit prezantohej si komandanti i policisë.
Në cilësinë e provës material është sekuestruar makina tip “Ford” me targa AA 551 LI dhe sende të tjera me vlerë, të grabitura nga autorët.
