Eksperti pranë CDU-së gjermane, Martin Henze, ka reaguar me anë të një postimi në Twitter, për zgjedhjet në Shqipëri.
Duke marrë shkas nga reagimi i Ambasadores së Shteteve të Bashkuara të Amerikës, Yuri Kim, Henze thekson mbështetjen e kësaj të fundit për zgjedhje të lira dhe bën thirrje për mos shitjen e votës.
“Ambasadore, kështu e shohim në Perëndim, bravo. Është shumë kënaqësi që ambasadorja amerikane, në mënyrë të qartë, merr një qëndrim kundër kleptokracisë Rama dhe rreshtohet me Shqipërinë e Lirë, e cila përfaqësohet nga opozita shqiptare”, shkruan Henze.
Ambasadorja e Shteteve të Bashkuara të Amerikës, Yuri Kim mbështeti thirrjen e Komunitetit Mysliman Shqiptar të cilët i bëjnë thirrje elektoratit shqiptar të mos e shes votën, pasi ajo është përçmim për dinjitetin njerëzor.
