I ftuar mbrëmjen e së enjtes në emisionin ‘Aktualitet’ në FaxNews, kreu i Partisë Republikane Fatmir Mediu, është pyetur nga gazetari Bejdo Malo në lidhje me kabinetin e mundshëm të Lulzim Bashës kur ai të vi në pushtet.
Duke i listuar qeverinë hije të Opozitës, gazetari kërkon nga Mediu një opinion mbi emrat e përmendur. Ky i fundit zgjedh të mos komentojë emrat e përveçëm por thekson se koalicioni opozitar i ka të gjitha kapacitetet dhe vlerat për ndërtimin e një qeverie në shërbim të qytetarëve që mund të risjellë zhvillim socio-ekonomik.
Pjesë nga biseda:
Bejdo Malaj: Kam një qeveri hije të Lulzim Bashës po ta lexoj dhe dua mendimin tënd.
Kryeministër: Lulzim Basha
Zv. kryeministre dhe ministre e Jashtme: Monika Kryemadhi
Ministri i Brendshëm: Tomorr Alizoti
Ministri i Shëndetësisë: Petrit Vasili
Ministre e Finanacave: Jorida Tabaku
Ministër i Drejtësisë: Gazmend Bardhi
Ministër i Ekonomisë: Edmond Spaho
Ministre e Integrimit: Klajda Gjoshaj
Ministri i Mbrojtjes: Flamur Hoxha
Ministri i Arsimit: Mark Marku
Ministër i Mjedisit: Fatmir Mediu
Ministër i Bujqsisë: Agron Duka
Ministër i Turizmit: Ferdinant Xhaferri
Ministre e Kulturës: Flutura Açka
Fatmir Mediu: Jo s’kam asnjë koment, e paske shkarkuar ja ke hequr spaletat Bashës.
Bejdo Malaj: Pse ja kam hequr spaletat Bashës kur ja kam vënë, është një cabinet që e tremb Ramën
Fatmir Mediu: I ke bërë qeverinë pa e konsultuar me Bashën, prandaj ja ke heq spaletat. Për mua ajo që është më e rëndësishme është që më 25 Prill shqiptarët duhet të bëhen bashkë për të larguar këtë qeveri të korruptuar. Me vlerat që ka ky koalicion mund të formojë një ekip qeverisës shumë funksional që t’i shërbejë qëllimeve kombëtare, formimit të një shteti ligjor dhe zhvillimit socio-ekonomik.
