Mirela Kumbaro, ish-ministre e Kulturës dhe deputete e PS-së, shprehet se në zgjedhjet e 25 prillit kjo forcë politike synon 78 mandate. E ndërsa vetë Kryeministri Edi Rama ka vënë si objektiv 74 mandate, duket se Kumbaro i ka shtuar edhe 4 kësaj shifre, duke e çuar në 78.
Sipas saj, shifra prej 78 mandatesh është plotësisht e arritshme prandaj dhe ata kanë për qëllim të marrin dhe më shumë mandate.
“Në Gjirokastër lista është pritur shumë mirë. 4 të parët nga 6, ishin gjithashtu 4 vite më parë. Jemi sërish këtu, së bashku me 2 kolegë të tjerë të rinj. Ne jemi një skuadër që kemi qenë prezentë në 4 vite”, tha ajo.
Kumbaro shprehet se njerëzit janë të pakënaqur dhe kjo është normale, sikundër shtoi se edhe vetë ajo nuk është e kënaqur.
“Të kesh pakënaqësi është njerëzore. Ne vetë nuk jemi të kënaqur. Atë që themi me gojë plot: A është ky qark më i mirë sot se 8 vite më parë?
Ne do të fitojmë 3 mandate në Gjirokastër, mund të fitojmë dhe 4, por 3 janë të sigurta. Një mandat i ka kaluar Tiranës me ndarjen e re”, shprehet Kumbaro.
