Edhe pse prej muajsh Qeveria ka vendosur orën policore që nis në 20:00 dhe përfundon në 06:00 të mëngjesit, duket se Tirana është në një kaos përsa i takon respektimit të këtij orari, veçanërisht në qarkullimin e automjeteve.
Fotot e mëposhtme tregojnë atë që po ndodh mbrëmjen e sotme në kryeqytet, ku me qindra automjete janë në rrugë, në shkelje të orës policore.
Ndoshta qytetarët nuk i binden më Edi Ramës dhe orarit që ai ka përcaktuar si të rrezikshëm për Covid-19, ose kaosi që është krijuar në Tiranë për shkak të asaj që Rama dhe Erion Veliaj i konsiderojnë si “projekte madhore” kanë detyruar qytetarët të presin me minuta, për të mos thënë me orë në trafik.
Dhe në vargun e gjatë të automjeteve që presin nuk është e vështirë të dallosh betonieret dhe kamionët që transportojnë material ndërtimi, përfshi këtu edhe dherat. Këto janë automjetet e preferuara të Lalit, kryebashkiakut të Tiranës, që lëvizin orë e pa orë, në çdo rrugë të kryeqytetit, ku herë krijojnë kaos në trafik dhe shumë herë të tjera bllokojnë qarkullimin.
