Policia ka dhënë detaje mbi plagosjen e ndodhur në Korçë, ku një 45-vjeçar pas një konflikti verbal ka marrë një plumb në këmbë.
Policia bëri të ditur se i plagosuri I.Q, 45 vjeç ndodhet në spitalin e Korçës jashtë rrezikut për jetën, ndërsa autori i dyshuar është larguar nga vendi i ngjarjes.
Plagosja ndodhi në një rrugicë të pandriçuar ndërsa policia po punon për identifikimin dhe kapjen e autorit.
NJOFTIMI
“Më datë 02.03.2021, rreth orës 17:50, në lagjen nr. 5, Korçë, pas një konflikti për motive të dobëta, dyshohet se është dëmtuar në këmbë, si pasojë e përdorimit të armës së zjarrit, shtetasi I. Q., rreth 45 vjeç, banues në Korçë, i cili u dërgua në Spitalin e Korçës, ku ndodhet jashtë rrezikut për jetën.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit, si dhe sqarimin e plotë të rrethanave të ngjarjes.”
