Manchester United do të jetë kundërshtari i Milanit për në fazën e 1/8-ve të Europa League. Goglat e hedhura në Nyon të Zvicrës i vendosën kuqezinjtë përballë “Djajtë e Kuq” me ndeshjen e parë që do të luhet në “Old Trafford” të enjten e 11 marsit, e kthimit një javë më pas në “San Siro”. Duart e zviceranit Hakan Yakin nuk sollën aspak fat, pasi kuqezinjtë u “peshkuan” me rivalin më të vështirë të mundshëm.
Precedentët – 10 ndeshje, të gjitha në Kupën e Kampionëve apo Champions League, me nga 5 fitore për secilën skuadër. Ndeshjet më të mëdha kanë përfunduar me triumfin e Milanit. Më e fundit që mbahet mend është në sezonin 2006-07, teksa pas humbjes 3-2 në “Old Trafford”, sfida e kthimit u fitua nga ekipi italian 3-0. Është një duel që ka mbetur gjatë në memorien e tifozëve kuqezi. E paharrueshme është dopieta e Kaka në Angli, apo golat e Seedof dhe Gilardinos.
Milani fitoi dhe më pas shkoi në finalen e Athinës në të cilën morën hak ndaj Liverpoolit. I njëjti diskutim edhe për sezonin 1956-69, fitore 2-0 në shtëpi dhe humbje 1-0 në transfertë, më pas erdhi fitorja 4-1 në finalen ndaj Ajax. Në 5 raste kur janë përballur me eliminim direkt, Milani ka arritur që të kalojë në fazën tjetër në 4 raste. Eliminimi i vetëm është në duelin e dyfishtë në sezonin 2009-10, humbje 3-2 në shtëpi dhe 4-0 në transfertë. /Koha Jone/
