Do të luhet, duke filluar nga ora 13:00, ndeshja mes Skënderbeut dhe Vllaznisë e vlefshme për javën e 20-të në Kategorinë Superiore.
Shkodranët do të kërkojnë me çdo kusht fitoren, për të vazhduar kryesimin dhe të mos rrezikojnë më tepër, që rivalët t’iu afrohen në renditje. Nga ana tjetër, Skënderbeu po kalon një moment shumë të vështirë, teksa renditen në vendin e fundit dhe për këtë arsye pikët janë të domosdoshme.
Krahasuar me ndeshjen e fundit, Skënderbeu ka bërë ndryshime në mbrojtje, ku në qendër do të luajnë Vitija dhe Dumfur, ndërsa në sulm rikthehet Mensah. Te Vllaznia, debuton titullar Albion Avdiaj, por titullar për herë të parë luanë edhe Nertil Hoxhaj.
Formacionet zyrtare:
Skënderbeu: Dajsinani, Meksi, Dumfur, Vitija, Zguro, Duona, Taipi, Viktor, Berisha, Pusi, Mensah. Trajner: Migen Memelli
Vllaznia: Zogoviç, Gurishta, Adili, Shehi, N. Hoxhaj, Kruja, Krymi, Jonuzi, Da Silva, A. Hoxhaj, Avdijaj. Trajner: Thomas Brdariç.
