Një incident i rëndë u shënua sot në elitën e futbollit shqiptar, Kategorinë Superiore. Sfida Bylis-Laçi, e cila përfundoi me rezultatin 0-1 në favor të kurbinasve, do të mbahet mend për një sherr masiv ku u përfshinë të gjitha palët.
Gjithçka nisi në minutën e 57-të të takimit, teksa Kyrian Nwabuezeu ndëshkua me karton të kuq. Sulmuesi i Laçit nxiti një përleshje masive në fushë pasi u drejtua nga Stivan Janku i shtrirë në tokë duke e goditur me shuplakë.
Dhuna përshkallëzoi duke bërë që, zv.trajneri i ballshiotëve, Bekim Kuli, të mbesë i gjakosur ndërkohë që u ndëshkuan me karton të kuq, Nwabueze dhe Carkanji.
Për sa i përket gjakosjes së Kulit, nga pamjet shihet qartë, se fillimisht zv.trajneri vrapon për të ndarë lojtarët, teksa rrëshket në “vatrën” e sherrit, ku më pas një lumë grushtash dhe shkelmash kanë vërshuar drejt tij.
