Është arrestuar nga policia e Durrësit, mëngjesin e sotëm, 22-vjeçari D.K.
Mësohet se i riu, një ditë më parë, në aksin Xhafzotaj-Shijak, ka aksidentuar biçiklistin 57-vjeçar, F.B., i cili si pasojë e plagëve të marra ka ndërruar jetë në spital.
Njoftimi i Policisë
Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin D. K., 22 vjeç, banues në Katund i Ri, Durrës, sepse më datë 12.02.2021, në aksin rrugor Xhafzotaj-Shijak, ka aksidentuar biçiklistin, shtetasin F. B., 57 vjeç, i cili si pasojë e plagëve të marra ka ndërruar jetë në spital.
Materialet i kaluan Prokurorisë së Rrethit Gjyqësor Durrës, për veprime të mëtejshme.
