Një aksident ka ndodhur rreth orës 13:40 të së dielës në Tiranë, ku një automjet ka përplasur një 42-vjeçar. Aksidenti ka ndodhur në zonën e Misto Mame-s, ndërsa pas aksidentit drejtuesi i mjetit është larguar.
“Më datë 31.01.2021, rreth orës 13:40, në Misto Mame, një mjet i paidentifikuar ka aksidentuar dhe më pas është larguar nga vëndgjarja shtetasin D. Gj., 42 vjeç, i cili ndodhet në spital, jashtë rrezikut për jetën.
Grupi hetimor dhe sherbimet e policisë ndodhen në vendngjarje dhe vijon puna për sqarimin e rrethanave të ngjarjes dhe identifikimin dhe kapjen e mjetit”, thuhet në njoftimin e policisë.
